நாய் லவ்வர்ஸ் வாழ்க.


தென்னகத்து திரிசா முதல் வடக்கத்தி மேனகாஜீ வரை தெருநாய்கள் மீது காதல் கொண்ட பிரபலங்கள் உள்ள நாட்டில் பிறந்ததை நினைத்து மனம் பூரித்துப் போகிறது.

சமீபத்தில் கேரளாவில் தெருநாய்களால் கடித்து கொல்லப்பட்ட பெண் குறித்து மேனகாஜீ சொன்ன தகவல் ஒவ்வொரு இந்தியனும் கற்க வேண்டிய பாடம் (செத்தவர் கையில் கறி வைத்திருந்ததால் நாய்கள் கடித்திருக்கும் – மேனகா). வடக்கேயாவது மாட்டுக்கறி வைத்திருக்கும் மக்களை நாய்கள் தாக்குகின்றன. தெற்கே எந்தக்கறி வைத்திருந்தாலும் மேனகாவின் நாலுகால் தொண்டர்கள் கொல்கிறார்கள். கடைசியில் தயிரும் பருப்புமே தேசிய உணவாக உள்ள ராமராஜ்யம் அமைந்துவிடும் எனும் நம்பிக்கை பலருக்கும் வந்திருக்கிறது.

நாய்களை உயர்குடி மக்கள் நேசிப்பதில் ஒரு காரணம் இருக்கிறது. அவை பணக்காரர்களைப் பார்த்து பொறாமை கொள்வதில்லை. ஏன் முஸ்லீமை கொன்றாய் என்றோ ஏன் தலித்தை கொன்றாய் என்றோ அவை கேட்பதேயில்லை. நாட்டின் இறையான்மையை அவை அந்த அளவுக்கு மதிக்கின்றன. பணக்காரர்கள் வாழும் பகுதிகளில் எந்த தெருநாயும் சுற்றிக்கொண்டிருப்பதில்லை. அதனால்தான் விஷால், சிபிராஜ் போன்ற     ஆக்‌ஷன் ஹீரோக்களும் நாய்களுக்காக ஆதரவுக்குரல் கொடுக்கிறார்கள்.

மோஹன்ஜீ இந்துக்களை அதிக குழந்தைகள் பெற்றுக்கொள்ளச்சொன்னால், பெத்தா சோறு யாரு போடுவா? என எதிர்கேள்வி கேட்கிறார்கள் எகத்தாளம் கொண்டவர்கள். ஆனால் பாரத தேச நாய்கள் அப்படியல்ல, கார்த்திகை, மார்கழி வந்தால் அவை மோஹன்ஜீயின் உத்தரவை கண்ணும் கருத்துமாக நிறைவேற்றுகின்றன. நாய்கள் என்றைக்காவது வேலைநிறுத்தம் செய்திருக்கிறதா, யமஹ, நமஹ என ஓதி புரோகிதன் இறைவனை நாடுவதைப்போல நாய்களும் ஒலியெழுப்பி உழைக்கின்றன. காரில் போகும் தேசபக்தர்களை எந்த தெருநாயும் கடித்ததில்லை, எந்த பணக்காரனும் ரேபீஸ் வந்து இறந்ததில்லை. பிறகு ஏன் பணக்காரன் நாயை நேசிக்கக்கூடாது?

இந்தியாவில் 3 கோடி தெருநாய்கள் இருக்கின்றன. மும்பையில் மட்டும் கடந்த 20 ஆண்டுகளில் 434 பேர் நாய்க்கடி காரணமாக ரேபீஸ் நோய் தாக்கி இறந்திருக்கிறார்கள் (ஆனால் இந்த காலகட்டத்தில் நிகழ்ந்த தீவிரவாத தாக்குதல்களில் கொல்லப்பட்ட மக்கள் எண்ணிக்கை 422. பாருங்கள், நம் நாய்கள்கூட வெளிநாட்டு தீவிரவாதிகளை ஜெயிக்க விடுவதில்லை). 2008 முதல் 2012 வரை தெருநாய்களிடம் (மட்டும்) கடி வாங்கிய காஷ்மீரிகள் எண்ணிக்கை 50000. இந்த ஒரு காரணம் போதாதா தேசபக்தர்கள் தெருநாய்களை நேசிக்க? போகட்டும், பல லட்சம் பேர் கடிபடுகிறார்கள், ரேபீசால் ஆண்டுக்கு 20000 பேர் சாகிறார்கள் (உலக ரேபீஸ் மரணங்களில் 35% இந்தியாவில் நிகழ்கிறது).. அதனால் நாட்டின் ஜி.டி.பி குறைந்துபோய்விட்டதா?

ஆனால் ஒரு நாய்க்கு குடும்பக்கட்டுப்பாடு செய்ய 1000 ரூபாய் செலவாகிறது. ஒன்னரைகோடி நாய்களுக்கு கு.க செய்தால் நாட்டின் பொருளாதாரம் என்னாவது? அன்னிய முதலீட்டுக்கு ஆபதில்லை எனும்போது செத்தவர்கள் சொர்கத்தில் இருந்து வல்லரசு இந்தியாவை பார்த்தால் போதாதா… சொர்கத்துக்கு போனால் அவர்கள் என்.ஆர்.ஐ எனும் உயர்தகுதி அடைவார்கள் என்கிற அறிவுகூட இவர்களுக்கு இல்லையே? நாய்கள் பைரவனின் வடிவம் இல்லையா… மக்களின் உயிரை எடுப்பதில் பகவானுக்கு உரிமையில்லை என்பது ஆச்சார விரோதம்.

இந்தியாவில் 7 பேருக்கு ஒரு நாய் எனும் விகிதாச்சாரம் இருக்கிறது. ஆனால் பொலிவியாவிலோ இரண்டு பேருக்கு ஒரு நாய் எனும் விகிதாச்சாரம் (2:1) இருக்கிறது. அவர்கள் என்ன நாயைக்கொல் என குதிக்கிறார்களா, இல்லை காயடித்து பாபம் செய்கிறார்களா? தினமணி வைத்தி எனும் உலகம் போற்றும் விஞ்ஞானி அசைவம் சாப்பிடுவதால்தான் மனிதர்களுக்கு வன்முறை எண்ணம் வருகிறது என்பதை டெஸ்கில் உட்கார்தபடியே கண்டுபிடித்திருக்கிறார். அப்படிப்பட்ட துர்குணம் கொண்ட மக்களிடம் வளரும் நாய்களும் துர்குணம் கொண்டவையாகத்தானே வளரும்? அதற்குத்தான் அசைவத்தை தடைசெய் என அறிஞர் பெருமக்கள் வேண்டுகோள் வைக்கிறார்கள்.

எதையும் நேர்மறையாக யோசிக்க சிலர் மறுக்கிறார்கள், அவர்கள் தெருநாய் பிரச்சினையையும் அப்படியே அணுகுகிறார்கள். நடந்து போவோரை நாய் கடிக்கிறது என புலம்புகிறார்கள். அதையே காரணமாக வைத்து “கடுமையாக உழைத்து” கார் வாங்குங்கள். பிளாட்ஃபார்ம் கடைகளுக்கு அருகே நாய் சுற்றுகிறதா, சரவணபவன் செல்லுங்கள். பணக்காரர்கள் வசிக்கும் பிரதேசத்தில் நாய்களே இருப்பதில்லை. அதனால் பணக்காரனாகுங்கள், நாய் தொந்தரவே இருக்காது.

தெருநாய் விரோதிகளுடன் விவாதம் செய்து புண்ணியமில்லை. ஆகவே நாய்க் காதலர்களுக்கு ஒரு வேண்டுகோள் வைக்கிறோம். நாய்களை நேசிப்பதால்தான் அந்த இறைவன் உங்களை பொருளாதார நிலையில்  உச்சத்தில் வைத்திருக்கிறான். ஆகவே நீங்கள் எல்லோரும் சேர்ந்து ஊருக்கு ஊர் ஒரு நாய்கள் சரணாலயம் ஆரம்பியுங்கள். தெருநாய்கள் எல்லாவற்றையும் அங்கே கூட்டிக்கொண்டுபோய் மறுவாழ்வு கொடுங்கள். பணம் படைத்தவன் மனிதனுக்குத்தான் எதையும் செய்யக்கூடாது, நாய்களுக்கு எவ்வளவு வாரிக்கொடுத்தாலும் உங்கள் திரண்ட செல்வம் குறைந்துவிடாது. ஆகவே வாருங்கள் தேசபக்தர்களே, நாயைக் காப்போம் நாய் விரோதிகளுக்கு பாடம் புகட்டுவோம்.

அன்புடன்

நாய்களுக்கான மனிதர்கள் இயக்கம் (people for dogs)

Advertisements

5 thoughts on “நாய் லவ்வர்ஸ் வாழ்க.”

  1. இந்தியாவைப் பொறுத்தவரை
    தெருநாயாகப் பிறக்க வேண்டும்;
    வனவிலங்காகப் பிறக்க வேண்டும் – அல்லது
    பசுமாடாகப் பிறக்க வேண்டும்.
    மனிதனாகப் பிறந்தது தவறு.

  2. பணக்காரர்கள் தான் நாய்களை நேசிக்கிறார்கள் என்கிற ஆரம்பமே அபத்தமாக இருக்கிறது . பணக்காரர் வசிப்பிடத்தில் ஒரு தெரு நாயை நீங்கள் காட்டி விட முடியுமா ? பூமி மனிதர்களுக்கானது மட்டுமல்ல .. எல்லா உயிரினங்களுக்குமானது தான் என்பதை புரிந்தாலே போதும் .. இது போன்ற பார்வைகளின் அபத்தம் புரிபடலாம்

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s